هل يعتبر هذا OOP ؟؟

[MhdSyrwan]

السلام عليكم
أحببت أن أفتتح هذ الموضوع لنناقش في الاستخدام الخاطئ للـOOP
فنستعرض فيه بعض أشكال الخطأ (طبعاً نناقش أولاً إن كان خاطئاً أو لا ) ومن ثم نقترح البنية الصحيحة
ونهدف أيضاً كسر الحاجز بيننا وبين الغرب بمناقشة أخطائهم (التي تبدو في بعض الأحيان مثيرة للضحك )

تقبلوا مروري

[MhdSyrwan]

سأفتتح النقاش
يزعم صاحب المشروع أنه يؤمن طبقةلتسهيل التعامل مع github api و يزعم أيضاً أنه يؤمن طبقة كائنية التوجه (Fully OOP)
رابط المشروع :
https://github.com/ornicar/php-github-api

[wazzz]

في كتير programming paradigms و OOP هي احداها وفي كتير غيرون .
وحسب المشكلة بتشوف شو النموذج البرمجي يلي بيتيح حل هالمشكلة باسهل طريقة .
وطبعا ال OOP ما بتصلح لكل شي بالنهاية في حالات كتير مثلا وقت يكون اكتر شي بيهمك هو التوابع فهالمنهجية مالح كتير تفيدك , حقيقة ال OOP اول ما طلعت كتير ناس عارضوها اول شي بعدين صارت موضة والكل اتبعها احد اهم اسباب نجاحها هي انو فيك تقابل اي مشكلة تقريبا بالعالم بنموذج ال black box OOP . مثلا انا بدي نمذج سيارة او طيارة بتعمل كل التوابع يلي بتمثل سلوك هالغرض " الحركة - توقف - الخ ... " وبنى المعطيات يلي بتمثل هالسيارة " سرعة السيارة - حجم السيارة - عدد الدواليب " طرطيرة مثلا " ..الخ "

بالنهاية ال OOP نموذج كتير قوي وحسب اعتقادي تم اختيارو لانو كتير من مشاكل الدنيا فيك تحلو وفقها منشان هيك بنشوفو عم بيتم تدريسو بالجامعات .

[MhdSyrwan]

[disappear]

هلأ من حيث المبدأ أي مسألة فيك تحلها
إما بشكل Functional
أو بشكل object oriented
بس oop طريقة احترافية أكتر لمعالجة المسائل,
لا سيما أنو هي بتشمل الأسلوب الأول بالإضافة لأنها بتعطي تصوير للواقع
وهذا بحد ذاته مو سهل لأنه بيتطلب احترافية وخبرة من المرمج ذات نفسه لتوظيف منهجية ال oop بالشكل الصح أو المرضي عالأقل.
لكن بتحسوا فيو دلالة أكتر.
وبصراحة فيو ذكاء أكتر .
متل لما بتنتقل من لغات البرمجة العادية للغات الطبيعة.
ونحنا دائما منحب انبسط حل المسألة قدر المستطاع ونبعد عن الحديث على مستوى الكهرباء -إذا عم تفهم قصدي-
ونرتقي بالعمل لمستوى تفكير العوام (الدماغ البشري).
طالما كنا قادرين على تحمل الكلفة .

[disappear]

بس أنا مافهمت
أنت عن شو عم تستفسر ؟
وشو يعني فرط استخدام؟
يعني شلون عم تنظر للأمر؟

[MhdSyrwan]

[wazzz]

http://www.info.ucl.ac.be/~pvr/paradigm ... eng101.jpg

بالصورة السابقة لح تشوف انماط برمجية كتيرة
وبنسبة لقصة oop مالها نمط برمجة فالشي مو صحيح كتير لانو هادا مو رأي شخصي هادا رأي دكتور بجامعة ستانفورد وقت كان عم بيعطي مقرر اسمو program paradigms بقى لازم ترجع تراجع تشوف شو يعني انماط برمجة program paradigms ولح تفهم عليي .

هلق في كتير مشاكل ال OOP ما بتحلها لح اعطيك مثال في نمط من انماط البرمجة بيسموه نمط البرمجة المنطقية logical ويلي وفقو بيتم برمجة الكتير من مسائل الذكاء الصنعي , الفكرة بهالنمط ويلي بتفرق عن ال OOP انو الكمبيوتر هو لحالو بيصير يحاول يحل المشكلة بينما بال OOP بدك تلقمو خوارزمية الحل تلقيم
وهي مشكلة جديدة طلعت وبصراحة لهلق مافهمت قصدك من شوي بالمشاكل

[MhdSyrwan]

[wazzz]

لا مافي هيك شي بينعطى بالكلية بس هنن بيعطوك هالشي بدون ماتحس
فمثلا وقت تاخد البرمجة 1و2 انت عمليا عم بتتعلم البرمجة الهيكلية او الاجرائية
وقت تتعلم بالسنة التانية C++ عم بتتعلم OOP وبرمجة هيكلية
و pure OOP بالتالتة وقت تاخد جافا
وقت تاخد برولوغ بالتالتة عم بتتعلم برمجة منطقية
بالسنة الرابعة LISP عم بتتعلم شي اسمو برمجة تابعية او دالية functional
بالسنة التانية والتالتة بمادة البنيان بتاخد اساسيات الاسمبلي وهي تقريبا الى حد ما نمط برمجة

بقى هنن بيعلوك لغات برمجة كتير وانماط برمجة متنوعة بس حقيقة ما بيخبروك بهالشي وانما انت لازم تتعرف هالشي لحالك