حياتنــــــــــا ,,, بلون مختلف .

[a7la sham]

[ياقوت]

أحببنا فتح هذا الموضوع .. لنعرض مشاكلاً من حياتنا .. من رؤيتنا .. عشناها , لكننا ضعنا عن الحل ..
و لحتى إيد بإيد إن شاء الله , نمحي أخطائنا , و نرسم مكانها الطريق يلي بيودينا لقمة الأخلاق ...
ولحتى يطلعوا طلاب كليتنا من أحسن الطلاب بكل شي ...



ولنبدأ بأول خطوة : " الصراحة " , ما مدى ارتباطنا بهذه الكلمة , هل ترضى أن يصارحك أحد بعيوبك :

عن عمر رضي الله عنه أنه قال : (* رحم الله امرء أهدى إلي عيوبي *) ...

هل ينزعج أحدكم إذا أسدى إليه شخص نصيحة ! أم أنه يسعد بها و يتخذها طريقاً لتصحيح نفسه .
وما هي أفضل الطرق للنصيحة برأيكم ...

[hiba-]

اول شي: شكرا ع الموضوع كتير حلو
تاني شي :مين منا ما بحب الصراحة
بالعكس انا بزعل من الشخص يلي بدو يقلي الصراحة بس بخبي من الخجل او الخوف او اي سبب

[a7la sham]

[Mohammad_807]

أول شي شكراً
بس شو المطلوب نتناقش بمواضيع معينة , ولا نطرح مشاكل وحلول ؟

[a7la sham]

[STEEV]

مممممممممممممممممممممممممممممممممممممممممممممممممممممممممممممممم
الصــــــــــــراحة
ما في أحلى من أنو الواحد يكون صريح بكل شي
التقبل مني لك يكون بكل رووح رياضية , و ما بزعل أبداً
بس أذا أخطأ خطأ كبير مو ما في حدا مناا ما بيخطأ بفضل النصيحة تكون بيني و بينو أحسن
و بحاول أخد بنصيحتو و بشتغل فيها

[hiba-]

انا برأيي اي طريقة للنصيحة بحيث الطرف التاني ما تنجرح مشاعرو(بعدين بنكون بمشكلة بنصير بمشكلة تانية)بس متل ما قال steev بيني وبين الطرف التاني

[Bright_Moon]

الموضوع حلو وفكرتو حلوة
حسب ما فهمت إنو بدكن إيانا نعطي آراءنا اللي هي ناتجة عن تجاربنا بالمواضيع الاجتماعية اللي لح تطرحوها واللي هي من واقع حياتنا
وهلأ طرحتو موضوع النصيحة
يعني كيف لازم ننصح الآخرين وشو هو الأسلوب الصح يلي بخلي الشخص اللي عم ننصحو يتقبل النصيحة
وهي مجموعة أفكار عن طريقة إسداء النصيحة :



2..



3

[Golden Rose]

ياي كتير حلوة فكرة الموضوع
اولا شكرا ياقوت واحلى شام على الفكرة المتميزة واهتمامكم بطلاب كليتنا ومهندسين المستقبل

النصيحة لها اصول اذا الشخص ما االتزم فيها ما رح يحقق النتائج الطلوبة من النصيحة
وطبعا لو كان صديق عم ينصح وباسلوب لبق اكيد ما رح ازعل بس بالعكس رح حاول صحح الغلط وامشي صح
بس رح ادايق لو كان عندو نصيحة لي وما نصحها لي

[قطرة الندى]

أول شي شكرا كتير عالموضوع
برأيي الشرط الأول للنصيحة أنك تكون مطبئ الكلام يلي عم تنصح فيه
فماكان من القلب لا يقع الا بالقلب
وأكيد لازم يكون بأسلوب متوافئ مع نفسية الانسان يلي عم تنصحوا
ويكون من باب حب الاصلاح مو من باب إني انا أحسن وأفضل

[kh.ri]

[Mohammad_807]

[>> R@ni <<]

عن جد كتير عجبني الموضوع شكرا ....
وانا ما بعرف بس ظن انو معظمنا بيحكي هيك بس وقت الجد ما حدا بينصح حدا خوفا من الدخول بمتاهات اخرى
بس اهم شي اذا عملت مشكلة او غلطت و بدك تنصحي تكون عم تنصحني بشكل مباشر لانو بحس انو عندي قيمة عندك ,يعني تقول انت غلطت او انا تدايقت من هالحركة تبعك او.. بس مو تروح تحكي لشخص تاني وتدخلو بالموضوع وياخد عني فكرة غلط , هاد اذا ما صار رسول سلام وبعدين بتشط وبتمط المصالحة ....
اما بالنسبة للاسلوب بالنسبة الي , فاسف بس يحرق هيك صداقة اذا ما تقبلت النصيحة باي شكل لانو اكيد مو الكل بيعرف ينصح

وبرجع بتشكركن عالموضوع

[AbuHammzah]

السلام عليكم جميعاً

بحب أشكرم ع الموضوع الحلو وإن شاء الله كلنا لأحسن

واسمحولي أحكيلكون حكايتي...

هادا يا جماعة أنا بزماني فتت على كلية المعلوماتية ومفكر حالي الكينغ تبع الكمبيوتر، يعني ما في حدا أدي ، وكل ما شفت حدا عم يعمل شي شغلة عالكمبيوتر بتفهمن علي وبعمل حالي معلم...

ويوم بعد يوم تعرفت على صحاب أكتر، وعرفت عنون أكتر وأكتر، وكل يوم بتزيد أخوتنا ومحبتنا أكتر، بس مو هون المشكلة...

المشكلة يا جماعة إني استنتجت بالأخير أني ، إي نعم
طلعت أقل واحد بيعرف عن البرمجة والكمبيوتر
قال بعرفلي كم لعبة على أكم برنامج، ما عاد شفت حدا قدامي...

بس لا تخافو ما يئست ولا تحسست من حدا، على العكس تماماً، والله طلعوا شباب الكلية أعز من أخواتي،
وياما اتخانقنا:
والله إنك معلم يافلان...
لك لا معلم ولا شي، إذا تعلمتا حتصير أحسن مني
أنا صير أحسن منك يا زلمة، لك إنت بتعلم على عشرة من أمثالي
أنا معلم أنا... لأ إنت المعلم
لا يا سيدي إنت المعلم.
لا إنت المعلم وإجرك فوق راسك
لا انت.. لا انت.. أوعى هيك بدي فهمو مين الملعم هون.. أوعى.. طج بف أخ لك...


المهم، الدرس اللي طلعت فيو من هالموقف، إنو ما قلل من قيمة حدا بحياتي أبداً، وكمان ما أحكم على حدا قبل ما اتعرف عليه منيح (يعني لحتى أعجنو وأخبزو..)

وبالأخير.. بقلكن إني أحسن شغلة اعملتا بحياتي إني دخلت كلية الهندسة المعلوماتية، لأنو بصراحة:


وشكراً

[STEEV]

و الله ملك يا أبو حمززززززززززززة (F) (F) (F)

[ياقوت]

[kh.ri]

إذا خلصتوا هاد الموضوع افتحولنا موضوع تاني

[ياقوت]

[قطرة الندى]

حابة اطرح هادا الموضوع اذا ما عنكم مانع
طريقة التعامل مع المشاكل
مشاكل كتير بتواجهنا بالحياة
ناس بتحاكمها بالمنطئ والعأل
وناس بتواجهها بالمشاعر والألب
وناس بالدين والأخلاْء
وناس حسب ما بيرضي الناس
ا
سؤالي اذا واجهتكم مشكلة و قضية مصيرية كيف ممكن تتعاملوا معه

برأي كلهم مع بعض لكن أول تفكير للحل هو شو يلي بيرضي ربنا
لأنو هو يلي خلأنا والأدرى بمصلحتنا
والحل المستند على رضى رب العالمين أكيد بيحاكي العأل والمشاعر
لأنو ربنا رحيم بعباده وما دلنا عالصح الا من رحمتو فينا وهو الغني عنّا